ಆ ಕಾಳ್ಗಿಚ್ಚಿಗೆ ಕಾರಣವಾದ ಬೆಂಕಿ ಹುಟ್ಟಿದ್ದು ಕಡ್ಡಿಯನ್ನು ಗೀರಿದಾಗಲ್ಲ!
ಅದಕ್ಕೂ ಮುಂಚೆ, ಬಹಳ ಮುಂಚೆ.
ಅವನ ಬೀಡಿ ಸೇದುವ ಚಟ ಶುರುವಾದಾಗ,
ಜೀವನಕ್ಕೆ ದಾರಿಯಾಗಲೆಂದು ಇನ್ನೊಬ್ಬ ಗೂಡಂಗಡಿ ತೆರೆದಾಗ,
ಟಾರ್ಗೆಟ್ ಮುಟ್ಟಿಲ್ಲ ಅಂತ ಸೇಲ್ಸ್ ಮ್ಯಾನ್ ಮೇಲೆ ಒತ್ತಡ ಶುರುವಾದಾಗ,
ಮೊದಲಿನಷ್ಟು ಲಾಭವಾಗುತ್ತಿಲ್ಲ ಅಂತ ಕಂಪೆನಿ ಓನರ್ ಗೊಣಗಿದಾಗ,
ದಿನ ದಿನದ ಈ ಬವಣೆಗೆ ಬೇಸತ್ತು ಪೊಟ್ಟಣಕ್ಕೆ ಕಡ್ಡಿ ತುಂಬುವವಳು ನಿಟ್ಟುಸಿರು ಬಿಟ್ಟಾಗ,
ಕಡ್ಡಿಯ ಮಾಡಲು ಧೂಪದ ಮರಕ್ಕೆ ಕೊಡಲಿಯ ಬೀಸಿದಾಗ,
ಅಥವಾ ಅದಕ್ಕೂ ಮುಂಚೆ, ಬಹಳ ಮುಂಚೆ.
ನೀವಂದುಕೊಂಡಂತೆ, ಆ ಕಾಳ್ಗಿಚ್ಚಿಗೆ ಕಾರಣವಾದ ಬೆಂಕಿ ಹುಟ್ಟಿದ್ದು ಕಡ್ಡಿಯನ್ನು ಗೀರಿದಾಗಲ್ಲ,
ಬೆಂಕಿ ಕಡ್ಡಿಯೆಂಬುದು ಕೇವಲ ನೆಪ ಮಾತ್ರ!!